Fýtboldan Eýropa chempıonaty-2023: Qazaqstan jastary Danııany qabyldaıdy
NUR-SULTAN. QazAqparat - Búgin, 7 qyrkúıekte 21 jasqa deıingi jastar arasynda fýtboldan 2023 jylǵy Eýropa chempıonaty irikteý satysynda Qazaqstan ekinshi oıynynda Danııany qabyldaıdy, dep habarlaıdy QazAqparat tilshisi.
Atalǵan kezdesý elorda ýaqytymen 20.00-de bastalyp, «Qazsport» telearnasynan tikeleı efırde kórsetiledi.
Eske salsaq, Qazaqstan jastary I tobynda synǵa túsedi. Qarsylastary - Belgııa, Danııa, Shotlandııa jáne Túrkııa quramalary.
Qazaqstandyq fýtbolshylar buǵan deıin bıylǵy jyldyń 4 maýsymynda óz alańynda Belgııadan 1:3 esebimen jeńilip qalǵan edi.
Týrnır kestesinde bir oıynnan keıin tórtinshi orynda keledi.
Qazaqstan irikteý satysynda budan keıin alty oıyn ótkizedi. Bıylǵy 8 qazanda Belgııamen syrt alańa sheberlik baıqassa, 12 qazanda óz alańynda Túrkııamen jasyl alańǵa shyǵady.
