Fýtboldan Eýropa chempıonaty-2023: Qazaqstan jastary Danııadan jeńilip qaldy
NUR-SULTAN. QazAqparat - Búgin 21 jasqa deıingi jastar arasynda fýtboldan 2023 jylǵy Eýropa chempıonaty irikteý satysynda Qazaqstan ekinshi oıynynda Danııany qabyldady, dep habarlaıdy QazAqparat tilshisi.
Eske salsaq, Qazaqstan jastary I tobynda synǵa tústi. Qarsylastary - Belgııa, Danııa , Shotlandııa jáne Túrkııa quramalary.
Búgingi kezdesýde qos quramanyń da jeńiske jetý múmkindigi boldy. Birinshi kezeńde ekeýin de gol soǵatyn birneshe sát týyndady. Alaıda tablodaǵy esep ózgerissiz qaldy.
Ekinshi kezeńde danııalyq fýtbolshylar basymdyqty arttyra tústi. Nátıjesinde 78-mınýtta olardyń qatarynan Vıllıam Vık kezdesý taǵdyryn sheshken jalǵyz goldy soqty.
Osylaısha Qazaqstan jastary qarsylasyna 0:1 esebimen ese jiberdi.
Qazaqstandyq fýtbolshylar buǵan deıin bıylǵy jyldyń 4 maýsymynda óz alańynda Belgııadan 1:3 esebimen jeńilip qalǵan edi.
Týrnır kestesinde qazaqstandyq oıynshylar eki oıynnan keıin tórtinshi orynda keledi.
Qazaqstan endi 8 qazanda Belgııamen syrt alańa sheberlik baıqassa, 12 qazanda óz alańynda Túrkııamen jasyl alańǵa shyǵady.
