Fýtboldan Eýropa chempıonatyndaǵy Qazaqstan qyzdar quramasynyń qarsylastary anyqtaldy

ASTANA. KAZINFORM - Shveıtsarııanyń Non qalasynda 2025/26 Eýropa chempıonatynda Qazaqstannyń 17 jáne 19 jasqa deıingi qyzdar quramalarynyń qarsylastary belgili boldy.

Jerebe nátıjesinde Qazaqstan V lıgasynyń altynshy tobyna tústi. Qarsylastary - Izraıl, Latvııa jáne Malta.

Al Qazaqstan 17 jasqa deıingi qyzdar quramasy V lıgasynyń úshinshi tobynda Grýzııa, Bosnııa jáne Gertsegovına, Latvııa quramalarymen sheberlik baıqasady.

Aıta ketsek, óz tobynda birinshi oryn alǵan alty qurama jáne ekinshi oryn alǵandar arasynan eń úzdigi (tórtinshi oryn alǵandarǵa qarsy oıyndar esepke alynbaıdy) kelesi irikteý kezeńin A lıgasynda bastaıdy.

Aıta ketsek, 17 jasqa deıingi Qazaqstan qyzdar quramasy Bishkek qalasynda Qyrǵyzstan quramasymen eki joldastyq match ótkizdi. Eki kezdesý barysynda olar qarsylasyn 3:1, 2:1 esebimen tize búktirdi.

Al 19 jasqa deıingi Qazaqstan qyzdar quramasy Shymkentte oqý-jattyǵý jıynyn ótkizedi. Oqý-jattyǵý jıyny aıasynda úsh baqylaý matchy boldy.

Eske salsaq, budan buryn fýtboldan joldastyq kezdesýde Qazaqstan quramasy Belarýske ese jiberdi.