Fýtboldan Eýropa chempıonaty: Qazaqstan jastary Andorradan basym tústi
ASTANA. KAZINFORM - Fýtboldan Qazaqstan 21 jasqa deıingi jastar quramasy 2027 jylǵy Eýropa chempıonaty irikteý kezeńinde búgin Andorraǵa qarsy oıyn ótkizdi.
Bul oıynǵa ulttyq quramanyń shabýylshysy Dastan Sátpaev ta qatysty. Ol aldymen ulttyq quramanyń oqý-jattyǵý jıynyna qatysty. Odan keıin Qazaqstan 21 jasqa deıingi jastar quramasyna qosylyp, 2027 jylǵy Eýropa chempıonatynyń irikteý kezeńi aıasynda Andorraǵa qarsy matchqa daıyndaldy.
Kezdesý barysynda qazaqstandyq fýtbolshylar jyldam gol soǵýǵa tyrysty. Nátıjesinde 11-mınýtynda Oljas Baıbektiń alystan tepken doby qaqpa torynda týlap jatty. Odan keıin olardyń tarapynan gol soǵatyn birneshe múmkindik boldy. Degenmen olardyń barlyǵyn tıimdi paıdalana alǵan joq. Esesine andorralyq fýtbolshylar qarsy shabyl uıymdastyrdy.
Degenmen tablodaǵy esepke ózgeris enbedi.
Osylaısha Qazaqstan jastary qaarsylasynan 1:0 esebimen basym tústi.
Jastarymyz D tobynda Anglııa, Irlandııa, Slovakııa, Moldova jáne Andorra quramalarymen kezdesedi. Aǵa bapker Denıs Mamonovtyń shákirtteri 2 maýsymda Astanada jınaldy. Olar oqý-jattyǵý jıynyn ótkizdi.
Endi qazaqstandyq jastar 8 maýsymda Anglııamen sheberlik baıqasady.
Іrikteý kezeńi 5 maýsymda bastalyp, 2026 jyldyń 6 qazanynda máresine jetedi.