Fýtboldan Eýropa chempıonaty: Qazaqstan jastar quramasy Maltany iri eseppen jeńdi

ASTANA. KAZINFORM – Búgin fýtboldan Qazaqstannyń 20 jasqa deıingi jastar quramasy 2025 jylǵy Eýropa chempıonaty irikteý kezeńindegi kezekti oıynyn Malta quramasyna qarsy ótkizdi.

Kezdesýdiń birinshi bóliginde bir gol soǵyldy. Qazaqstandyq shabýylshy Ivan Svırıdov oıynnyń 28-mınýtta esep ashyp, basymdyqty arttyra tústi. Ekinshi taımda Aıbar Abdýlla 50-mınýtta Malta quramasynyń qaqpashysyn qapy qaldyrdy. Araǵa 21 mınýt salyp, kezdesýdiń 71-mınýtynda Andrea Zammıt bir golmen jaýap qaıyrdy.

Kezdesý aıaqtalýǵa 10 mınýt qalǵanda Ivan Svırıdov taǵy bir márte gol soǵyp, dýbl avtory atandy. Al, komanda kapıtany Ádilbek Jumahanov 90-mınýtta penaltıden múlt ketken joq. Osylaısha qazaqstandyq jastar óz alańynda qarsylasynan 4:1 esebimen basym tústi.

Aıta keteıik, otandastarymyz V tobynda synǵa túsip jatyr. Olardyń qarsylastary – Ispanııa, Shotlandııa, Belgııa, Vengrııa jáne Malta quramasy. 

Endi qazaqstandyq jastar 10 qyrkúıekte Belgııany qabyldasa, odan keıin 10 qazanda syrt alańda Ispanııamen sheberlik baıqasady. Al, 15 qazanda sońǵy oıynyn óz alańynda Shotlandııaǵa qarsy ótkizedi. 

Qazirge deıin fýtbolshylarymyz Vengrııadan 0:3, 0:2, Shotlandııadan 1:4, Ispanııadan 0:4, Belgııadan 0:1 esebimen jeńilse, Maltany syrt alańda 0:2 esebimen jeńdi.

Eske salsaq, 6 qyrkúıekte Qazaqstan ulttyq quramasy UEFA Ulttar lıgasyndaǵy alǵashqy oıynyn Norvegııaǵa qarsy ótkizedi.