Fýtboldan Eýropa birinshiligi burynǵy ataýyn saqtap qalady
NUR-SULTAN. QazAqparat - Koronavırýs pandemııasyna oraı ótkizý merzimi 2021 jylǵa shegerilgen fýtboldan Eýropa birinshiligi EVRO-2020 ataýyn saqtap qalady, dep habarlaıdy QazAqparat tilshisi.
Esterińizge sala ketelik, qurlyqtyq doda bıylǵy 12 maýsym men 12 shilde aralyǵyna josparlanǵan bolatyn. Álemdi dendegen qaýipti indetke baılanysty ol kelesi jylǵa aýystyryldy.
Bul sheshim Eýropa birinshiliginiń 60 jyldyǵyna oraı qabyldanyp otyr. Alǵashqy qurlyqtyq doda 1960 jyly ótkizilgen.
Atalmysh básekede tuńǵysh ret 24 qurama baq synaıdy. Sondaı-aq, doda alǵash ret 11 memlekettiń 12 stadıonynda ótkiziledi.
