Fýtboldan eýrokýbok oıyndaryn qaıdan kórýge bolady
ASTANA. QazAqparat - Qazaqstandyq tórt klýb 18-19 shilde kúnderi Chempıondar lıgasy men Eýropa lıgasy birinshi irikteý kezeńiniń qarymta oıyndaryn ótkizedi. Bul kezdesýlerdiń barlyǵy «Qazsport» telearnasynan kórsetiledi, dep habarlaıdy QazAqparat tilshisi.
Chempıondar lıgasy birinshi irikteý kezeńinde synǵa túsip jatqan elordalyq «Astana» komandasy búgin, 18 shildede syrt alańda Chernogorııanyń «Sýteska» klýbymen sheberlik baıqasady. Oıyn saǵat 00.00-de «Qazsport» telearnasynan tikeleı efırde kórsetiledi.
Erteń, 19 shildede Almatynyń «Qaıraty», Pavlodardyń «Ertisi» jáne Qostanaıdyń «Tobyly» qarsylastarymen qarymta kezdesý ótkizedi. Bul oıyndardyń barlyǵy óz alańdarynda bolady.
«Qaırat» Almatyda Andorranyń «Engordan» klýbyn qabyldaıdy. Bul básekeni jankúıerler «Qazsport» telearnasynan saǵat 19.00-de tikeleı tamashalaı alady. Alǵashqy kezdesýde almatylyqtar 3:0 esebimen jeńiske jetken edi.
Al «Ertistiń» Pavlodardaǵy Lıtvanyń «Trakaıymen» kezdesýin atalmysh telearna 21.00-de tikeleı efırde kópshilik nazaryna usynady. Birinshi oıyn 0:0 esebimen teń aıaqtaldy.
Qostanaıdyń «Tobyly» dál osy kúni Grýzııanyń «Samtredıa» klýbymen sheberlik baıqasady. Bul oıynnyń kórsetilimniń jazbasy «Qazsport» telearnasynan 23.10-de kórsetiledi. «Tobyl» syrt aalńda atalmysh qarsylasyn 1:0 esebimen tize búktirgen
Biz budan buryn búgingi «Astana» men «Sýteska» klýbtary arasyndaǵy kezdesý týraly jazǵan bolatynbyz.
