Fýtboldan Euro-2024 jerebesi tartylyp, Qazaqstannyń yqtımal qarsylastary anyqtaldy

Fýtboldan 2024 jylǵy Eýropa chempıonatynyń fınaldyq satysynyń jerebesi tartyldy, dep habarlaıdy Kazinform.

Qurlyqtyq doda 2024 jyldyń 14 maýsymy men 14 shildesi aralyǵynda Germanııanyń Berlın, Dortmýnd, Dıýsseldorf, Frankfýrt-na-Maıne, Gelzenkırhen, Gambýrg, Keln, Leıptsıg, Mıýnhen, Shtýtgart qalalarynda ótkiziledi.

Fınaldyq kezeń 14 maýsymda Germanııa men Shotlandııa kezdesýimen ashylady.

A toby: Germanııa, Shotlandııa, Vengrııa, Shveıtsarııa.

B toby: Ispanııa, Horvatııa, Italııa, Albanııa.

S toby: Slovenııa, Danııa, Serbııa, Anglııa.

D toby: Ulttar lıgasynda A jolynyń jeńimpazy (Polsha, Estonııa, Ýels, Fınlıandııa), Nıderland, Avstrııa, Frantsııa.

E toby: Belgııa, Slovakııa, Rýmynııa, Ulttar lıgasy B jolynyń jeńimpazy (Izraıl, Islandııa, Bosnııa jáne Gertsegovına, Ýkraına

F toby: Portýgalııa, Ulttar lıgasy S jolynyń jeńimpazy (Grýzııa, Lıýksembýrg, Qazaqstan, Grekııa), Túrkııa, Chehııa.

Byltyr Ulttar lıgasy S lıgasynda óz tobynda birinshi oryn alǵan qazaqstandyq fýtbolshylar endi atalǵan týrnırdiń pleı-off júıesi boıynsha Eýropa chempıonatynyń fınaldyq satysynyń joldamasyn sarapqa salýǵa múmkindik aldy.

Endi olar 2024 jyldyń 21 naýryzynda S joly boıynsha jartylaı fınalda Grekııamen kezdesedi. Jeńgen jaǵdaıda fınalda Grýzııa jáne Lıýksembýrg jubynyń jeńimpazymen qurlyqtyq doda fınalyna beriletin jalǵyz joldamany sarapqa salady.

Eýropa chempıonatynyń irikteý satysynda el quramasy 18 upaımen Fınlıandııamen birge úshinshi-tórtinshi oryndy ózara bólisken edi.