Fýtboldan Euro 2024: Italııa Ýkraınany jeńdi
Bul kúngi oıyndar arasynda jankúıerlerdi C tobyndaǵy Italııa men Ýkraına kezdesýi erekshe qyzyqtyrdy.
Italııa fýtbolshylary keıingi jyldarda sátsiz oıyn kórsetip keledi. Saldarynan ótken jyly álem chempıonatynyń fınaldyq satysynan tys qaldy. Sol olqylyqtyń ornyn bıyl toltyrýǵa tyrysatyny anyq.
Italııalyqtar Eýropa chempıonatyna irikteý satysynda da sátti oıyn kórsete almaı keledi. Alǵashqy úsh týrda nebári bir márte jeńiske jetse, bireýinde teń túsip, bireýinde qarsylasyna ese jiberip qoıdy.
Sondyqtan búgingi oıynda olar jeńiske jetýge bar kúshin saldy. Oıynnyń 21, 29-mınýttarynda ıtalııalyq Davıde Frattezı eki goldyń avtory atandy. Oǵan 42-mınýtta Andreı ıArmolenko bir golmen jaýap qaıyrdy. Esep - 2:1.
Atalǵan toptaǵy Malta óz alańynda Soltústik Makedonııaǵa 0:2 esebimen jol berdi.
Sondaı-aq A tobynda Norvegııa Grýzııany 2:1, Ispanııa Kıprdi 6:0 esebimen tize búktirdi.
Al F tobynda Belgııa Estonııany 5:0 esebimen jeńse, Shvetsııa Avstrııadan 1:3 esebimen jeńildi.
I tobynda Shveıtsarııa Andorradan 3:0, Izraıl Belarýsten 1:0 esebimen basym tústi.
Eske salsaq, budan buryn Portýgalııa Lıýksembýrgti 9:0 esebimen jeńgenin jazǵan bolatynbyz.
