Fýtboldan Eýro-2024: Anglııa Ýkraınamen teń oınady

ASTANA. QazAqparat - Fýtboldan 2024 jylǵy Eýropa chempıonatyna irikteý satysynyń besinshi týryndaǵy úshinshi oıyn kúni aıaqtaldy, dep habarlaıdy QazAqparat tilshisi.

Bul kúngi oıyndardyń birinde Ýkraına men Anglııa quramalary kezdesti.

C tobynda synǵa túsip jatqan qos qurama jeńiske jetýge kúsh saldy. Anglııa buǵan deıin tórt kezdesýde de jeńiske jetip, týrnır kestesinde kósh bastap turǵan edi. Al Ýkraına ekinshi orynda kele jatqan bolatyn.

Kezdesý barysynda ýkraınalyq Aleksandr Zınchenko 26-mınýtta esep ashsa, oǵan Kaıl Ýolker 41-mınýtta bir golmen jaýap qaıyrdy.

Osylaısha quramalar 1:1 esebine qanaǵat bildirdi.

Atalǵan toptaǵy taǵy bir kezdesýde Soltústik Makedonııa men Italııa da 1:1 esebimen teń tústi.

Al F tobynda syrt alańda Belgııa Ázerbaıjandy 1:0 esebimen tize búktirse, Shvetsııa Estonııany 5:0 esebimen jeńdi.

Sondaı-aq, I tobynda Andorra men Belarýs 0:0, Kosovo men Shveıtsarııa 2:2, Rýmynııa men Izraıl esebimen teń oınady.

Eske salsaq, budan buryn Ispanııa quramasy Grýzııany oısyrata jeńdi.