Fýtboldan EÝRO-2024: Anglııa alǵashqy oıynynda Serbııadan basym tústi

ASTANA. KAZINFORM - Fýtboldan 2024 jylǵy Eýropa chempıonatynyń úshinshi oıyn kúnin C tobyndaǵy Serbııa jáne Anglııa quramalary túıindedi.

Álem fýtbolyna esimi jaqsy tanys fýtbolshylar jınalǵan Anglııa quramasy bıyl bas júldeden úmitker retinde sanalady. Olar budan burynǵy qurlyqtyq dodada fınalǵa deıin jetip, Italııa quramasyna ese jiberip qoıǵan edi. Sol olqylyqtyń ornyn bıyl toltyra alama ma?

Alǵashqy mınýttan Serbııa qaqpasyna lap qoıǵan anglııalyq fýtbolshylar jyldam gol soǵyp úlgerdi. Jas ekenine qaramastan jankúıer qaýymyna jaqsy tanymal Djýd Bellıngem 13-mınýtta Anglııa quramasyn alǵa shyǵardy.

Odan keıin qos quramanyń gol soǵatyn múmkindigi az bolǵan joq. Dese de birinshi kezeńde tablodaǵy esep ózgerissiz qaldy.

Ekinshi kezeńde serbııalyq fýtbolshylar shabýyldy kúsheıtti. Anglııa quramasy qorǵanys shebinde saýatty oınaı bildi.

Kezdesýde anglııalyq fýtbolshylar 1:0 esebimen jeńiske jetti.

Aıta ketsek, endi D tobynda 17 maýsymda Avstrııa men Frantsııa quramalary ózara sheberlik baıqasady.

Sondaı-aq, bul kúni E tobynda Rýmynııa men Ýkraına, Belgııa men Slovakııa oınaıdy.

Eske salsaq, 16 maýsymda S tobynda Slovenııa men Danııa 1:1 esebine qanaǵat bildirse, D tobynda Polsha Nıderland quramasyna 1:2 esebimen ese jiberdi.