Fýtboldan elimizdiń áıelder lıgasynyń úshinshi týry bastalady
ASTANA. KAZINFORM - Oıyndar 11 jáne 12 mamyr kúnderine belgilengen.
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi.
A konferentsııasynda - 9 komanda, V konferentsııasynda - 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
Búgin, 11 mamyrda A konferentsııasynda komandalar ózara saıysqa túsedi.
A konferentsııasy
16:00. «Kaspıı» (Aqtaý) - «Ulytaý» (Jezqazǵan)
17:00. BIІK (Shymkent) - «Ordabasy» (Shymkent)
18:00. «Tomırıs-Turan» (Túrkistan) - «Jetisý» (Taldyqorǵan)
19:00. «Qaısar» (Qyzylorda) - «Qaırat» (Almaty)
12 mamyr
V konferentsııasy
14:00. «Oqjetpes» (Kókshetaý) - «Qyzyljar» (Petropavl)
15:00. «Ertis» (Pavlodar) - «Shahter» (Qaraǵandy)
16:00. «Aqtóbe» - «Jeńis» (Astana)
18:00. «Tobyl» (Qostanaı) - «Altaı» (Óskemen)
19:00. «Astana» - «Elimaı» (Semeı).
Bıyl el birinshiliginde «Aqtóbe», BIІK, «Tomırıs-Turan» klýbtary júldeli oryndarǵa talasady dep kútiledi. Byltyr fýtboldan áıelder lıgasynda «Aqtóbe» tuńǵysh ret chempıon atandy.
Eske salsaq, budan buryn Fýtboldan áıelder lıgasynda «Aqtóbe» taǵy da iri jeńiske jetti.
