Fýtboldan elimizdiń áıelder lıgasynyń tórtinshi týry bastalady
ASTANA. KAZINFORM — Oıyndar 18 jáne 19 mamyr kúnderine belgilengen.
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi.
A konferentsııasynda — 9 komanda, V konferentsııasynda — 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
Búgin, 18 mamyrda A konferentsııasynda komandalar ózara saıysqa túsedi.
A konferentsııasy
16:00. «Qaırat» (Almaty) — «Kaspıı» (Aqtaý)
17:00. «Atyraý» — «Qaısar» (Qyzylorda)
17:00. «Jetisý» (Taldyqorǵan) — BIІK (Shymkent)
17:00. «Ordabasy» (Shymkent) — «Tomırıs-Turan» (Túrkistan)
19 mamyr
V konferentsııasy
12:00. «Altaı» (Óskemen) — «Ertis» (Pavlodar)
14:00. «Elimaı» (Semeı) — «Oqjetpes» (Kókshetaý)
15:00. «Qyzyljar» (Petropavl) — «Tobyl» (Qostanaı)
15:00. «Shahter» (Qaraǵandy) — «Aqtóbe»
19:00. «Jeńis» (Astana) — «Astana».
Bıyl el birinshiliginde «Aqtóbe», BIІK, «Tomırıs-Turan» klýbtary júldeli oryndarǵa talasady dep kútiledi. Byltyr fýtboldan áıelder lıgasynda «Aqtóbe» tuńǵysh ret chempıon atandy.
Eske alsaq, budan buryn fýtboldan áıelder lıgasynda BIІK iri eseppen jeńiske jetti.
