Fýtboldan elimizdiń áıelder lıgasynda «Oqjetpes» taǵy oısyraı jeńildi

ASTANA. KAZINFORM - Búgin fýtboldan elimizdiń áıelder lıgasynda on altynshy týr oıyndary máresine jetti.

Bul týrdyń oıyndaryn «Oqjetpes» (Kókshetaý) pen «Qyzyljar» (Petropavl) kezdesýi túıindedi.

Bıyl kósh sońynda kele jatqan kókshetaýlyq klýb atalǵan oıynda da qarsylasyna tótep bere alǵan joq. Óz qaqpasyna jaýapsyz on tórt gol jiberip aldy. 

Osylaısha «Oqjetpes» qarsylasyna 0:14 esebimen ese jiberdi.

Oıyn nátıjesi:

4 tamyz

• «Jeńis» (Astana) - «Aqtóbe» 0:3
• «Tobyl» (Qostanaı) - «Qaırat» (Almaty) 0:2
• «Elimaı» (Semeı) - «Astana» 3:2
• «Jetisý» (Taldyqorǵan) - «Tomırıs-Turan» (Túrkistan) 1:5
• «Ulytaý» (Jezqazǵan) - BIІK (Shymkent) 1:9
• «Qaısar» (Qyzylorda) - «Atyraý» 6:1

5 tamyz

• «Oqjetpes» (Kókshetaý) - «Qyzyljar» (Petropavl) 0:14

Federatsııa talabymen erler klýbtarynyń janynan bıyl áıelder quramalary qurylǵan.

Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.