Fýtboldan elimizdiń áıelder lıgasynda alǵashqy týr aıaqtaldy
ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń birinshi týry máresine jetti.
Bıylǵy maýsym otandyq áıelder fýtboly tarıhyndaǵy eń aýqymdy ári qyzyqty kezeńderdiń biri bolmaq. Chempıonatqa 19 komanda qatysyp, lıga eki konferentsııaǵa bólindi. A konferentsııasynda – 9 komanda, V konferentsııasynda – 10 komanda oınaıdy.
Komandalar eki kezeńdik júıe boıynsha ózara kezdesý ótkizedi. Odan keıin ár konferentsııadan 1 jáne 2 oryn alǵan klýbtar jartylaı fınal men fınalda chempıondyq úshin talasady.
Búgin, 28 sáýirde V konferentsııa komandalar ózara saıysqa tústi.
V konferentsııasy
28 sáýir
«Ertis» (Pavlodar) - «Jeńis» (Astana) 0:3
«Altaı» (Óskemen) - «Qyzyljar» (Petropavl) 3:3
«Tobyl» (Qostanaı) - «Astana» 1:0
«Shahter» (Qaraǵandy) - «Elimaı» (Semeı) 0:7.
27 sáýir
«Oqjetpes» (Kókshetaý) - «Aqtóbe» 0:20.
Sondaı-aq 27 sáýirde A konferentsııasynda tórt oıyn ótkizilgen edi.
A konferentsııasy
«Jetisý» (Taldyqorǵan) - «Qaırat» (Almaty) 1:4
«Ordabasy» (Shymkent) - «Ulytaý» (Jezqazǵan) 2:0
«Qaısar» (Qyzylorda) - BIІK (Shymkent) 0:4
«Tomırıs-Turan» (Túrkistan) - «Atyraý» 2:0.
Bıyl el birinshiliginde «Aqtóbe», BIІK, «Tomırıs-Turan» klýbtary júldeli oryndarǵa talasady dep kútiledi. Byltyr fýtboldan áıelder lıgasynda «Aqtóbe» tuńǵysh ret chempıon atandy.
Endi ekinshi týr oıyndary 4 jáne 5 mamyr kúnderi ótkiziledi.
