Fýtboldan el Sýperkýbogynyń oıyny Almatyda ótedi

Fýtboldan 2017 jylǵy el premer-lıgasynyń alǵashqy oıyny sanalatyn Sýperkýbok tartysy Almaty qalasynda ótedi. Bul týraly Qazaqstannyń kásipqoı fýtbol lıgasynyń otyrysynda málim boldy.

Otyrys barysynda keler maýsymdaǵy premer-lıga oıyndarynyń basty máseleleri talqylandy. Bul dodada 12 komanda baq synaıtyn boldy. Tek sońǵy jyldardaǵydaı eki aınalymnan keıin bul komandalar qos altylyqqa jiktelmeıdi.

2017 jyly el birinshiligi úsh aınalymdyq júıemen ótkiziledi. Alǵashqy eki aınalymda barlyq komandalar úıde jáne túzde júıesimen oınaıdy. Al úshinshi aınalymdaǵy matchtar Berger kestesi boıynsha qurastyrylady. Aldaǵy maýsymnyń transfer kezeńi 11 qańtar men 3 sáýir aralyǵyna belgilendi.