Fýtboldan el chempıonatynda «Turan» «Shahterdi» tize búktirdi
NUR-SULTAN. QazAqparat – Fýtboldan Qazaqstan chempıonatynyń onynshy týrynda túrkistandyq «Turan» óz alańynda «Shahterdi» qabyldady, dep habarlaıdy QazAqparat tilshisi.
Ótken týrda túrkistandyqtar «Astanamen» teń tússe, qaraǵandylyqtar el chempıony «Tobyldy» iri eseppen utqan edi.
Birinshi taımda alań ıelerinen 7-mınýtta Shoqan Abzalov esep ashty – 1:0.
Ekinshi kezeńde Sh.Abzalov 54-mınýtta ekinshi golyn soqty – 2:0.
Osylaısha, Qýanysh Qabdolovtyń shákirtteri bul jeńisten keıin 11 upaı jınap, týrnır kestesinde onynshy orynǵa kóterildi. 13 upaıy bar «Shahter» segizinshi satyda keledi.
Kelesi týrda 14 mamyrda qaraǵandylyqtar «Ordabasyny» qabyldasa, «Turan» syrt alańda «Aqsýmen» kezdesedi.
Eske sala keteıik, budan buryn «Aqjaıyq» pen «Maqtaaraldyń» teń tarqasqanyn jazǵan bolatynbyz.
Sondaı-aq el chempıonatynda «Kaspıı» qaıtadan kósh bastady.
