Fýtboldan el chempıonatynda «Qaısar» men «Oqjetpes» qarsylasymen teń tústi
NUR-SULTAN. QazAqparat - Búgin fýtboldan birinshi lıga komandalary arasyndaǵy Qazaqstan birinshiliginiń segizinshi týry máresine jetti, dep habarlaıdy QazAqparat tilshisi.
Kósh basynda kele jatqan Qyzylordanyń «Qaısary» óz alańynda Jambyl oblysynyń «Taraz-Qarataý» komandasymen 1:1 esebimen teń tústi.
Týrnır kestesinde kósh basynda júrgen taǵy bir ujym Kókshetaýdyń «Oqjetpesi» elordada «Astana-2» klýbymen dál sondaı nátıjege qanaǵat bildirdi.
Taldyqorǵannyń «Jetisýy» óz alańynda Qyzylordanyń «Baıqońyryn» 3:0 esebimen tize búktirse, Túrkistannyń «ıAssy» klýby «Qaırat-2» klýbynan 1:4 , Qaraǵandynyń «Shahter-Bolaty» Shymkenttiń «Qyran» komandasynan 0:4 esebimen jeńilip qaldy.
Sondaı-aq, «Ońtústik Akademııa» óz alańynda «Ekibastuzǵa» 1:2 esebimen jol berse, Jambyl oblysynyń «Igiligi» elordalyq «Jeńisti» 2:0 esebimen súrindirdi.
Eske salsaq, budan buryn fýtboldan el birinshiliginde «Qaırat» «Maqtaraldan» basym túskenin jazǵan bolatynbyz.
