Fýtboldan el chempıonatynda «Kaspıı» men «Aqjaıyq» teń tarqasty
ASTANA. QazAqparat – Fýtboldan Qazaqstan chempıonatynyń 25-týrynda «Kaspıı» Aqtaýda Oraldyń «Aqjaıyǵyn» qabyldady, dep habarlaıdy QazAqparat tilshisi.
Aqtaýlyqtar týrnır kestesinde 30 upaımen 8-orynda tursa, oraldyqtardyń jaǵdaıy múshkil, sońǵy satyda edi. Sondyqtan, «Aqjaıyqqa» upaı keregirek boldy.
Birinshi taımda alań ıeleri qaýiptirek shabýyldaǵanymen, esep ashylǵan joq.
Oıynnyń ekinshi kezeńinde «Aqjaıyqtyń» múmkindikteri bolǵanymen, ony paıdalana almady. Qorytyndy esep – 0:0.
Osylaısha, nebári 25 upaı jınaǵan oraldyqtar burynǵysynsha kósh sońynda qaldy.
El chempıonatynyń sońǵy týrynda «Aqjaıyq» 6 qarasha kúni óz alańynda Qostanaıdyń «Tobylyn» qabyldasa, aqtaýlyqtar Petropavlda «Qyzyljarmen» oınaıdy.
Eske sala keteıik, budan buryn fýtboldan Qazaqstan chempıonatynda «Maqtaaral» «Aqjaıyqty» jeńgenin jazǵan bolatynbyz.
Sýretterdi túsirgen Aıbatyr NURASh
