Fýtboldan el chempıonatynda «Aqjaıyq» «Shahterge» ese jiberdi
ORAL. QazAqparat – Fýtboldan Qazaqstan chempıonatynyń 19-týrynda «Aqjaıyq» óz alańynda Qaraǵandynyń «Shahterin» qabyldady, dep habarlaıdy QazAqparat tilshisi.
Osyǵan deıin qaraǵandylyqtar 27 upaımen tórtinshi orynda tursa, oraldyqtar 13-satyda edi.
Birinshi taım sońynda qonaqtardan Roman Mýrtazaev mergendik tanytty.
Ekinshi kezeńde 75-mınýtta Tımýr Chogadze esepti 2:0-ge jetkizdi. Budan keıin 84-mınýtta «Shahterdiń» qaqpashysy Igor Shatskıı 11 metrlik núkteden Toma Tabatadzeniń soqqysyn qaıtara bildi. 90-mınýtta «Aqjaıyqtan» Vıtalıı Prındeta esepti qysqartqanymen, «Aqjaıyqtyń» odan árige shamasy jetpedi.
Osylaısha, 2:1 esebimen jeńiske jetken «Shahter» 30 upaı jınap, kósh basyndaǵylarǵa jaqyndaı tústi. Al qatarynan eki márte jeńilis tapqan oraldyqtardyń jaǵdaıy tipti qıyndady.
Eske sala keteıik, budan buryn fýtboldan Qazaqstan chempıonatynda «Astananyń» ekinshi orynǵa kóterilgenin jazǵan bolatynbyz.
Sondaı-aq, Qazaqstan fýtbol quramasy BAÁ komandasymen joldastyq kezdesý ótkizedi .
Sýretterdi túsirgen Aıbatyr Nurash.
