Fýtboldan el chempıonatynda «Aqjaıyq» pen «Maqtaaral» teń tarqasty
ORAL. QazAqparat – Fýtboldan Qazaqstan chempıonatynyń onynshy týrynda Oraldyń «Aqjaıyǵy» óz alańynda «Maqtaaral» komandasyn qabyldady, dep habarlaıdy QazAqparat tilshisi.
Týrnır kestesinde qonaqtar kósh sońynda kele jatsa, osyǵan deıin eki ret qatarynan utylǵan alań ıelerine de upaı aýadaı qajet edi.
«Aqjaıyqtyń» bas bapkeri, ýkraınalyq maman Vladımır Mazıar ótken matchtaǵy quramǵa bir ǵana ózgeris engizip, reseılik Artýr Gazdanov birden oıynǵa qosyldy.
Birinshi taımda qos komanda shabýyldaýǵa tyrysyp baqqanymen, esep ashylǵan joq.
Ekinshi kezeńde 55-mınýtta ekinshi eskertý qaǵazyn alǵan «Maqtaaral» sapyndaǵy reseılik Rasambek Ahmatov alańnan qýyldy. Alaıda, budan keıin alań ıeleri shabýylǵa kóshkenimen, eshteńege qol jetkize almady. Esep – 0:0.
Bul oıynnan keıin 11 upaı jınaǵan V. Mazıardyń shákirtteri 10-orynǵa kóterildi.
On birinshi týrda 15 mamyrda «Aqjaıyq» «Tarazǵa» qonaqqa barsa, «Maqtaaral» óz alańynda Aqtaýdyń «Kaspııin» qabyldaıdy.
Eske sala keteıik, budan buryn fýtboldan el chempıonatynda «Aqtóbeniń» «Aqjaıyqty» utqanyn, Qazaqstan ulttyq quramasyna jańa bas bapker taǵaıyndalǵanyn jazǵan bolatynbyz.
