Fýtboldan el chempıonatynda «Aqtóbe» qatarynan besinshi márte jeńiske jetti
NUR-SULTAN. QazAqparat - Fýtboldan Premer lıga komandalary arasyndaǵy Qazaqstan birinshiliginiń keıinge qaldyrylǵan týr oıyndary ótkizildi, dep habarlaıdy QazAqparat tilshisi.
Qaraǵandyda jergilikti «Shahter» men pavlodarlyq «Aqsý» úshinshi týrdyń keıinge qaldyrylǵan oıynynda sheberlik baıqasty.
Oıynnyń birinshi kezeńinde alań ıeleri qatarynan Toqtar Jańǵylyshbaı 9, Roman Mýrtazaev 38, Ivan Graf 45-mınýttarde mergendik tanytty. Oǵan pavlodarlyq klýbtan Asylanbek Kákimov 59, Erkebulan Tuńǵyshbaev 81-mınýtta eki golmen jaýap qaıyryp, esep aıyrmasyn qysqartqan edi.
Oıynnyń 90-mınýtynda qaraǵandylyq klýbtan Roher Kanıas penaaltıdi múltiksiz oryndap, kezdesý núktesin qoıdy.
Osylaısha «Shahter» qarsylasynan 4:2 esebimen basym tústi.
Taǵy bir kezdesýde Túrkistannyń «Turany» óz alańynda «Aqtóbege» 0:2 esebimen jol berdi. Oıyn barysynda aqtóbelik klýbtan Ýgo Vıdemont 34 , Serder Serderov 78-mınýtta gol soqty.
Aqtóbelik klýb qatarynan besinshi márte jeńiske jetip, 29 upaımen «Aqtóbe» týrnır kestesinde kósh basyna shyqty.
Aıta ketsek, fýtboldan Qazaqstan birinshiliginde 26 tamyzǵa deıin úzilis jarııalanǵan.
Endi Qazaqstan kýbogynyń ekinshi týr oıyndary ótkiziledi. Atalǵan týr 15, 16, 17 shilde kúnderi bolady.
Eske salsaq, budan buryn fýtboldan birinshi lıgada «Jetisý» «Qaısardan» basym tústi.
