Fýtboldan el birinshiligi: «Qaırat» HHІІІ-týrda «Aqtóbeni» qabyldaıdy

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HHІІІ-týry bastalady.

Búgin, 13 qyrkúıekte saǵat 17:00–de «Atyraý» men «Tobyl» (Qostanaı), «Qyzyljar» (Petropavl) men «Oqjetpes» (Kókshetaý) oınaıdy. 

Al 18:00–de «Ordabasy» (Shymkent) men «Jeńis» (Astana), «Turan» (Túrkistan) men «Ulytaý» (Jezqazǵan) jasyl alańǵa shyǵady.

Al 14 qyrkúıekte 17:00–de «Qaırat» (Almaty) pen «Aqtóbe», 19:00–de «Astana» men «Elimaı» (Semeı) sheberlik aıqasady.

Sondaı-aq 16 qyrkúıekte 15:00–de «Jetisý» (Taldyqorǵan) men «Qaısar» (Qyzylorda) oınaıdy.

Aıta ketsek, qazir kósh basynda 46 upaımen «Astana» keledi. Odan keıingi oryndardaǵy «Qaırattyń» 46, «Tobyldyń» 44 upaıy bar.

Surmergender kóshinde Nazmı Grıpshı («Astana») 11 golmen kósh bastap tursa, odan keıingi oryndarda Marın Tomasov («Astana») pen Dáýren Jumat («Oqjetpes») 9 golmen keledi.

Eske salsaq, budan buryn fýtboldan Birinshi lıgada «Kaspıı» «Ertisten» basym tústi.