Fýtboldan el birinshiliginde «Turan» óz alańynda «Maqtaraldan» oısyraı jeńildi

ASTANA. QazAqparat - Fýtboldan Premer-lıga komandalary arasyndaǵy el birinshiliginiń 25-týry máresine jetti, dep habarlaıdy QazAqparat tilshisi.

Atalǵan týrda «Atyraý» óz alańynda Qaraǵandynyń «Shahterimen» 2:2 esebimen teń tústi. Al, Túrkistan qalasynyń «Turany» sol oblystyń «Maqtaral» komandasyna 0:3 esebimen jol berdi.

Sondaı-aq, búgin elordalyq «Astana» syrt alańda Petropavldyń «Qyzyljarynan», Almatynyń «Qaıraty» óz alańynda Pavlodar oblysynyń «Aqsýynan» 2:0 esebimen basym tústi.

Al, 29 qazanda «Ordabasy» men «Aqtóbe» 2:2, «Kaspıı» (Aqtaý) men «Aqjaıyq» (Oral) 0:0 esebine qanaǵat bildirse, «Taraz» óz alańynda «Tobylǵa» (Qostanaıǵa) 0:2 esebimen jol berdi.

Endi 26-týr oıyndary 6 qarasha kúni ótkiziledi.

Eske salsaq, budan buryn birinshi lıgada alǵashqy eki oryndaǵy Kókshetaýdyń «Oqjetpesi» men Qyzylordanyń «Qaısary» bir týr buryn Premer-lıgaǵa joldama aldy.