Fýtboldan el birinshiliginde «Turan» men «Kaspıı» jeńiske jetti
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 20-týryndaǵy taǵy eki oıynnyń nátıjesi belgili boldy, dep habarlaıdy QazAqparat tilshisi.
Eki oıynnyń birinde «Atyraý» óz alańynda Túrkistannyń «Turan» komandasyn qabyldady.
Týrnır kestesinde túrkistandyq klýb tómengi orynnyń birinde keledi. Premer-lıgadaǵy ornyn saqtap qalý úshin olarǵa árbir oıynda upaı enshileý qajet.
Búgingi kezdesýde «Turan» sapynan Joalıson Santos Olıveıra 16-mınýtta esep ashsa, Bekzat Qabylan 55-mınýtta esepti ústemeleı tústi.
Atalǵan oıynda «Turan» 2:0 esebimen basym tústi.
Taǵy bir kezdesýde Qaraǵandyda «Shahter» Aqtaýdyń «Kaspıı» komandasymen sheberlik baıqasty.
Oıynnyń 85-mınýtynda aqtaýlyq komandadan Rýan Telesh gol soqty.
Osylaısha qaraǵandylyq klýb qarsylasyna 0:1 esebimen jol berdi.
Aıta ketsek, 14 qyrkúıekte elordalyq «Astana» óz alańynda Qostanaıdyń «Tobylyna» 0:2 esebimen jol berdi.
Sondaı-aq, «Aqtóbe» «Tarazdy» 1:0 esebimen jeńdi.
Búgin, 15 qyrkúıekte endi «Aqsý» men «Aqjaıyq», «Qaırat» pen «Ordabasy», «Maqtaral» men «Qyzyljar» kezdesedi.
