Fýtboldan el birinshiliginde «Tobyl» «Shahterden» oısyraı jeńildi
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiligi toǵyzynshy týrynda Qostanaıdyń «Tobyly» syrt alańda Qaraǵandynyń «Shahterinen» oısyraı jeńildi, dep habarlaıdy QazAqparat tilshisi.
Qostanaılyq klýb búgin syrt alańda «Shahtermen» kezdesti. Oıyn barysynda qaraǵandylyq komanda senimdi oıyn kórsetti. Nátıjesinde olardyń qatarynan Tımýr Dosmaǵambetov 33, 62-mınýttarda penaltıden múlt ketken joq.
Alań ıelerinen taǵy Nıkolaı Kovtalıýk 47, Roman Mýrtazaev 81-mınýttarda mergendik tanytty. Oǵan «Tobyl» sapynan Aıbar Jaqsylyqov 70-mınýtta jalǵyz golmen jaýap qaıyrdy.
Osylaısha «Shahter» qarsylasyn 4:1 esebimen tize búktirdi.
Qazir atalǵan týrda Almatynyń «Qaıraty» óz alańynda Petropavldyń «Qyzyljaryn» qabyldaýda. Ázirge esep 0:0.
Al «Aqtóbe» men «Aqjaıyq» ekinshi kezeńinde 1:1 esebimen teń túsip jatyr.
Sondaı-aq, búgin «Aqsý» men «Kaspıı», «Maqtaaral» men «Taraz» komandalary kezdesedi.
Eske salsaq, keshe «Atyraý» «Ordabasyn» utsa, «Astana» «Turanmen» teń oınady.
