Fýtboldan el birinshiliginde «Tobyl» «Aqtóbeden» jeńildi
NUR-CULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on birinshi týrynda qostanaılyq «Tobyl» syrt alańda «Aqtóbege» ese jiberdi, dep habarlaıdy QazAqparat tilshisi.
Ótken jylǵy el chempıony «Tobyl» bıylǵy dop dodasyn ala-qula ótkizip keledi. Qazir týrnır kestesinde nebári jetinshi orynda tur.
Búgin qostanaılyq komanda syrt alańda «Aqtóbemen» kezdesti. Oıyn barysynda aldymen aqtóbelik ujymnan Serder Serderov 54-mınýtta esep ashsa, oǵan 79-mınýtta «Tobyl» oıynshysy Aleks Amanovıch bir golmen jaýap qaıyrdy. Jeńis golyn kezdesý biter sátte aqtóbelik komandadan Jerar Goý soqty.
Osylaısha «Aqtóbe» qarsylasyn 3:0 esebimen tize búktirdi. Olar týrnır kestesinde besinshi orynǵa kóterilse, «Tobyl» jetinshi oryndy mise tutty.
Sondaı-aq, búgin qaraǵandylyq «Shahter» shymkenttik «Ordabasyny» 1:0, elordalyq «Astana» almatylyq «Qaıratty» 6:0, pavlodarlyq «Aqsý» túrkistandyq «Turandy» 2:0 esebimen jeńdi.
Al «Atyraý» men petropavldyq «Qyzyljar» 3:3 esebimen teń tústi.
Erteń, 15 mamyrda «Maqtaral» (Túrkistan oblysy) men «Kaspıı» (Aqtaý), «Taraz» ben «Aqjaıyq» (Oral) komandalary jasyl alańǵa shyǵady.
