Fýtboldan el birinshiliginde oıynshylardyń jazǵy transferlik merzimi bekitildi
NUR-SULTAN. QazAqparat – Fýtboldan Qazaqstan birinshiligindegi oıynshylardyń jazǵy transferlik merzimi bekitildi, dep habarlaıdy QazAqparat tilshisi.
Bul jóninde Qazaqstan kásipqoı fýtbol lıgasy málim etti.
Atalǵan sheshimdi Qazaqstan fýtbol federatsııasynyń atqarýshy komıteti shyǵardy. Nátıjesinde jazǵy oıynshylar aýysý kezeńiniń merzimi aıqyndaldy.
Qazaqstan fýtbol federatsııasy atqarýshy komıtetiniń sheshimimen ekinshi tirkeý transferlik kezeńi 28 maýsymde bastalyp, 26 shildede aıaqtalady.
Eske salsaq, budan buryn fýtboldan el birinshiliginde «Qaırat» «Maqtaraldan» basym tústi.
Sondaı-aq, Qazaqstan fýtbol chempıonatynda «Turan» men «Aqjaıyq» teń tarqasty.
