Fýtboldan el birinshiliginde «Ordabasy» «Turannan» jeńilip qaldy
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 18-týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Alǵashqy oıynda Qaraǵandynyń «Shahteri» óz alańynda «Tarazdy» 1:0 esebimen tize búktirdi.
Odan keıingi kezdesýde «Atyraý» óz alańynda Aqtaýdyń «Kaspııinen» 3:2 esebimen basym tústi. Oıyn barysynda alań ıelerinen ıÝrıı Zavezen 60, Andrııa Fılıpovıch 65, 86-mınýttarda mergendik tanytty. Al «Kaspıı» sapynan Ivan Peshıch 18, 51-mınýttarda gol soqty.
Al Pavlodar oblysynyń «Aqsýy» Túrkistan oblysynyń «Maqtaralyn» 4:2 esebimen jeńdi. Oıyn barysynda «Maqtaral» sapynan Jan Alı Paırýz 16, Bıllal Sebaıhı 26-mınýtta kózdegen nysanadan múlt ketken joq. Oǵan «Aqsý» klýbynan Tonı Sılva 18, Erkebýlan Tuńǵyshbaev 31, 47, 64-mınýttarda tórt golmen jaýap qaıyrdy.
Sondaı-aq, Shymkenttiń «Ordabasy» klýby óz alańynda Túrkistannyń «Turanyna» 1:2 esebimen jol berdi. Kezdesýde «Turan» sapynan Bekzat Qabylan 33, Oljas Kerimjanov 40-mınýttarda gol soqsa, «Ordabasy» oıynshysy Karam Sultanov 58-mınýtta mergendik tanytty.
Endi 5 qyrkúıekte 19:00-de «Qaırat» (Almaty) pen «Tobyl» (Qostanaı) oıyny bastalsa, 20:00-de «Aqtóbe» men «Qyzyljar» (Petropavl) jasyl alańǵa shyǵady.
Atalǵan týrdy 21:00-de «Astana» (Nur-Sultan) men «Aqjaıyq» (Oral) oıyny túıindeıdi.
