Fýtboldan el birinshiliginde Maqtaral men Qyzyljar teń tústi
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 20-týry máresine jetti, dep habarlaıdy QazAqparat tilshisi.
Atalǵan týrdy Túrkistanda «Maqtaral» men Petropavldyń «Qyzyljar» komandalary túıindedi.
Oıyn barysynda petropavldyq klýb alǵashqy bolyp esep ashty. Olardyń quramynan Elgýdja Lobjanıdze 5-mınýtta gol soqty. Oǵan «Maqtaral» sapynan Dramane Kone 59-mınýtta bir golmen qaıyrdy.
Osylaısha komandalar 1:1 esebine qanaǵat bildirdi.
«Atyraý» óz alańynda Túrkistannyń «Turan» komandasyna 0:2 esebimen jeńilse, Qaraǵandyda «Shahter» Aqtaýdyń «Kaspıı» komandasyna 0:1 esebimen jol berdi.
Aıta ketsek, 14 qyrkúıekte elordalyq «Astana» óz alańynda Qostanaıdyń «Tobylyna» 0:2 esebimen ese jiberdi .
Sondaı-aq, «Aqtóbe» «Tarazdy» 1:0 esebimen jeńdi .
Búgin, 15 qyrkúıekte endi «Aqsý» men «Aqjaıyq», «Qaırat» pen «Ordabasy», «Maqtaral» men «Qyzyljar» kezdesedi.
Endi 21-týr oıyndary 1 jáne 2 qazan kúnderi ótkiziledi. Oǵan deıin el quramasynyń Ulttar lıgasyndaǵy oıyndaryna baılanysty azdaǵan úzilis bolady.
