Fýtboldan el birinshiliginde «Maqtaral» qatarynan úshinshi márte jeńiske jetti
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 23-týrynyń alǵashqy oıyn kúni ótti, dep habarlaıdy QazAqparat tilshisi.
Atalǵan týrdaǵy alǵashqy kezdesýde Oraldyń «Aqjaıyǵy» óz alańynda «Tarazben» 0:0 esebine qanaǵat bildirdi.
Saldarynan oraldyq klýb týrnır kestesinde eń sońǵy orynǵa túsip qaldy.
Al olardyń basty qarsylasy - Túrkistan oblysynyń «Maqtaraly» syrt alańda Aqtaýdyń «Kaspııin» 4:2 esebimen tize búktirdi.
Osylaısha qatarynan úshinshi jeńisine qol jetkizdi. Nátıjesinde birinshi lıgaǵa túsip qalý qaýipti aımaǵynan shyǵyp, on ekinshi orynǵa kóterildi.
Taǵy eki kezdesýde Shymkenttiń «Ordabasy» klýby óz alańynda Qaraǵandynyń «Shahterin» 1:0 esebimen jeńse, Túrkistannyń «Turany» sol eseppen Pavlodar oblysynyń «Aqsýyna» jol berdi.
Endi atalǵan týrdaǵy qalǵan úsh oıyn 14 qazanda ótkiziledi. Bul kúni «Tobyl» (Qostanaı) men «Aqtóbe», «Qyzyljar» (Petropavl) men «Atyraý», «Qaırat» (Almaty) men «Astana» kezdesedi.
Eske salsaq, budan buryn Qazaqstan fýtbol quramasynyń 2024 jylǵy Eýropa chempıonaty irikteý satysyndaǵy oıyn kestesi anyqtaldy.
