Fýtboldan el birinshiliginde «Qaırat» «Turannan» jeńildi
NUR-SULTAN. QazAqparat - Búgin fýtboldan premer-lıga komandalary arasyndaǵy Qazaqstan birinshiliginde almatylyq «Qaırat» alǵash ret jeńildi, dep habarlaıdy QazAqparat tilshisi.
Almatylyq klýb jetinshi týrda búgin óz alańynda Túrkistannyń «Turan» komandasyna 0:1 esebimen jol berdi. Kezdesý taǵdyryn sheshken jalǵyz goldy túrkistandyq Azat Nurǵalıev 31-mınýtta penaltıden soqty.
Sondaı-aq, búgin atalǵan týrda Oraldyń «Aqjaıyǵy» dál sondaı eseppen Qaraǵandyda «Shahter» komandasyn tize búktirdi.
Óz alańynda Shymkenttiń «Ordabasy» klýby Petropavldyń «Qyzyljaryn» 2:1, «Aqtóbe» Túrkistan oblysynyń «Maqtaralyn» 1:0 esebimen jeńdi.
Eske salsaq, 22 sáýirde elordalyq «Astana» Aqtaýdyń «Kaspııinen» 4:0 esebimen basym tússe, qostanaılyq «Tobyl» syrt alańda «Atyraýdan» 1:2 eesbimen jeńildi.
Dál qazir Pavlodarda «Aqsý» men «Taraz» komandalarynyń kezdesi ótip jatyr.
