Fýtboldan el birinshiliginde Qaırat tórt oıyn qatarynan jeńiske jete almaı keledi
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiligi toǵyzynshy týrynda Almatynyń «Qaıraty» Petropavldyń «Qyzyljarymen» teń tústi, dep habarlaıdy QazAqparat tilshisi.
Almaty qalasynda ótken oıynda qos komanda negizinen shabýylǵa ıek artty. Dese de olar qolaıly sátterdi tıimdi paıdalana alǵan joq.
Oıynnyń 7-mınýtynda almatylyq klýbtan Rıkardo Alvesh qyzyl qaǵaz alyp, alańnan qýyldy. Soǵan qaramastan olar qarsylasyna laıyqty tótep berdi.
«Qaırat» oıynshysy Sultanbek Astanov 45-mınýtta kózdegen nysanadan múlt ketken joq. Oǵan 64-mınýtta «Qyzyljar» komandasynan Darko Zorıch bir golmen jaýap qaıyrdy.
Osylaısha eki komanda 1:1 esebine qanaǵat bildirdi. Almatylyq klýb qatarynan tórt oıynda qarsylastaryn jeńe almaı keledi.
Eske salsaq, búgin «Aqtóbe» «Aqjaıyqty» 2:1, «Shahter» «Tobyldy» 4:1 esebimen utty.
Sondaı-aq, keshe, 1 mamyrda «Atyraý» «Ordabasyn» utsa, «Astana» «Turanmen» teń oınady.
Dál qazir «Aqsý» men «Kaspıı», «Maqtaaral» men «Taraz» komandalary kezdesýde.
