Fýtboldan el birinshiliginde «Qaırat» óz alańynda «Atyraýdan» oısyraı jeńildi
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiliginiń onynshy týrynda almatylyq «Qaırat» óz alańynda «Atyraý» komandasynan jeńildi, dep habarlaıdy QazAqparat tilshisi.
Kezdesý barysynda almatylyq klýb belsendi bastaǵan edi. Oıynnyń 22-mınýtynda «Qaırat» sapynan Andreı Ýlshın qarsylasyn dóreki qımylmen shalyp qulatty.
Osydan keıin «Atyraý» qatarynan Nıkolaı Tarasov 14, 38-mınýttarda mergendik tanytsa, 46-mınýtta Andrııa Fılıpovıch esepti ulǵaıta tústi.
Atyraýlyq komanda syrt alańda 3:0 esebimen jeńiske jetti.
«Atyraý» 17 upaımen úshinshi orynǵa kóterilse, «Qaırat» qazir toǵyzynshy orynda tur.
Osylaısha, «Qaırat» tórt oıyn boıy jeńiske jete almaı keledi.
Sondaı-aq, búgin Qostanaıdyń «Tobyly» óz alańynda Pavlodar oblysynyń «Aqsý» komandasynan 2:0 esebimen basym tústi.
Eske salsaq, budan buryn «Astana» syrt alańda «Ordabasydan» 2:1 esebimen basym tússe, «Qyzyljar» men «Taraz» 1:1 esebine qanaǵat bildirdi.
Erteń, 8 mamyrda «Aqjaıyq» (Oral) pen «Maqtaral» (Túrkistan oblysy), «Kaspıı» (Aqtaý) men «Aqtóbe», «Turan» (Túrkistan) men «Shahter» (Qaraǵandy) komandalary sheberlik baıqasady.
