Fýtboldan el birinshiliginde «Atyraý» «Ordabasyny» utty
NUR-SULTAN. QazAqparat – Fýtboldan Qazaqstan chempıonatynyń toǵyzynshy týrynda «Atyraý» óz alańynda «Ordabasy» komandasyn qabyldady, dep habarlaıdy QazAqparat tilshisi.
Shymkenttikter 14 upaımen týrnır kestesinde ekinshi orynda tursa, atyraýlyqtar jetinshi satyda edi.
Birinshi taımda 29-mınýtta aıyp doby oryndalǵannan keıin «Atyraý» quramyndaǵy reseılik qorǵaýshy Nıkolaı Tarasov baspen gol soqty – 1:0. Qonaqtardan 46-mınýtta Elhan Astanov 11 metrlik aıyp dobyn dál oryndady – 1:1.
Ekinshi taımda 53-mınýtta qaqpashymen jekedara shyqqan «Atyraý» surmergeni, horvatııalyq Andrııa Fılıpovıch esepti 2:1-ge jetkizdi.
Budan keıin shymkenttikter qansha shabýyldap baqqanymen, esep ózgergen joq.
Osy oıynnan keıin 14 upaı jınaǵan atyraýlyqtar kósh basyndaǵy komandalardyń qataryna qosyldy.
Toǵyzynshy týrdyń qalǵan oıyndary 2 mamyr kúni ótedi. «Aqtóbe» «Aqjaıyqty», «Qaırat» «Qyzyljardy», «Aqsý» «Kaspııdi», «Maqtaaral» «Tarazdy» qabyldaıdy.
Eske sala keteıik, budan buryn fýtboldan el chempıonatynda «Astana» «Turanmen» teń oınaǵanyn jazǵan bolatynbyz.
