Fýtboldan el birinshiliginde «Atyraý» men «Taraz» teń oıyn kórsetti
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 16-týrynda taǵy eki oıyn ótti. «Shahter» «Aqtóbe» komandasyna ese jiberse, «Atyraý» men «Taraz» teń oınady , dep habarlaıdy QazAqparat tilshisi.
Qaraǵandyda jergilikti «Shahter» «Aqtóbe» komandasyn qabyldady. Atalǵan kezdesýde aldymen qaraǵandylyq fýtbolshylar eki gol soqsa, odan keıin aqtóbelik ujym qatarynan úsh márte qaqpany dál kózdedi. Nátıjesinde «Aqtóbe» qarsylasynan 3:2 esebimen basym tústi. Osylaısha týrnır kestesinde kósh basyna shyqty.
Búgingi taǵy bir kezdesýde «Atyraý» men «Taraz» 0:0 esebine qanaǵat bildirdi.
Al 1 shildede «Tobyl» men «Turan» 2:2 esebimen teń tústi.
Endi 3 shildede «Astana» men «Maqtaaral», «Qaırat» pen «Aqjaıyq», «Aqsý» men «Qyzyljar» komandalary jasyl alańǵa shyǵady.
Al 4 shildede «Ordabasy» men «Kaspıı» komandalary kezdesedi.
