Fýtboldan el birinshiliginde «Astana» «Ordabasyny» iri eseppen jeńdi
ASTANA. QazAqparat - Fýtboldan Premer-lıga komandalary arasyndaǵy el birinshiliginiń 22-týrynyń ekinshi oıyn kúnindegi tórt kezdesýdiń nátıjesi belgili boldy, dep habarlaıdy QazAqparat tilshisi.
Elordalyq «Astana» óz alańynda Shymkenttiń «Ordabasy» klýbyn 6:0 esebimen jeńdi. Oıyn barysynda Marın Tomasov 47- mınýtta esep ashsa, odan keıin Abat Aıymbetov 57, 59-mınýttarda qos goldyń avtory atandy.
Odan keıin Denıs Polıakov 61, Pedro Eýjenıo 93, Abzal Beısebekov 94-mınýttarda mergendik tanytty.
Sondaı-aq, «Atyraý» óz alańynda Almatynyń «Qaıratyna» 1:2 esebimen jeńilse, Qaraǵandynyń «Shahteri» men Túrkistannyń «Turany», «Taraz» ben Petropavldyń «Qyzyljary» 0:0 esebimen teń tústi.
Aıta ketsek, 8 qazanda «Aqtóbe» Aqtaýdyń «Kaspııin» 4:0 esebimen oısyrata jeńse, Qostanaıdyń «Tobyly» syrt alańda Pavlodar oblysynyń «Aqsýyna» 0:3 esebimen ese jiberdi.
Atalǵan týrdy «Maqtaral» (Túrkistan oblysy) men «Aqjaıyq» (Oral) komandalary túıindeıdi.
