Fýtboldan el birinshiliginde «Astana» kósh basyna shyqty
ASTANA. QazAqparat – Fýtboldan Premer-lıga komandalary arasyndaǵy el birinshiliginiń 24-týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Elordalyq «Astana» óz alańynda «Atyraýdy» 5:1 esebimen oısyrata jeńdi.
Oıyn barysynda alań ıelerinen Abat Aıymbetov 7, Pedro Eýjenıo 9, 45, 67, Marıon Tomaslov 61-mınýttarda mergendik tanytsa, oǵan atyraýlyq komandadan Pavel Dolgov 48-mınýtta bir golmen jaýap qaıyrdy.
Atalǵan jeńisinen keıin «Astana» týrnır kestesinde birinshi orynǵa kóterildi. Dese de, olardyń basty qarsylasy – «Aqtóbeniń» bir oıyny kem.
Sondaı-aq, búgin syrt alańda Qostanaıdyń «Tobyly» Túrkistan oblysynyń «Maqtaralyna» 1:2 esebimen jol berse, Almatynyń «Qaıraty» Qaraǵandynyń «Shahterinen» 2:0 esebimen basym tústi.
Al, «Aqjaıyq» (Oral) pen «Qyzyljar» (Petropavl) 2:2 esebine qanaǵat bildirdi.
Endi 24 qazanda «Taraz» ben «Kaspıı» (Aqtaý), «Aqsý» (Pavlodar oblysy) men «Ordabasy» (Shymkent), «Aqtóbe» men «Turan» (Túrkistan) komandalary kezdesedi.
