Fýtboldan el birinshiliginde «Astana» Aqtaýda «Kaspııden» basym tústi
NUR-SULTAN. QazAqparat – Búgin, 10 qyrkúıekte fýtboldan Premer-lıga komandalary arasyndaǵy el birinshiliginiń 19-týrynda taǵy eki oıynnyń nátıjesi belgili boldy, dep habarlaıdy QazAqparat tilshisi.
Elordalyq «Astana» syrt alańda Aqtaýdyń «Kaspıı» komandasymen kezdesti. Oıyn barysynda elordalyq komanda sapynan Abat Aıymbetov 29-mınýtta esep ashsa, 65-mınýtta Talǵat Kýsıapov esepti ústemeleı tústi.
Dal qazir taǵy bir kezdesý aıaqtaldy. Óz alańynda «Taraz» Pavlodar oblysynyń «Aqsý» komandasymen kezdesti. Kezdesýde pavlodarlyq klýbtan Mıras Turlybek 18, Erkebulan Tuńǵyshbaev 24-mınýttarda mergendik tanytty. Oıynnyń 94-mınýtynda elordalyq komandadan Pedro Eýjenıo kezdesýdiń núktesin qoıdy. Osylaısha, «Astana» qarsylasynan 3:0 esebimen basym tústi.
Oǵan alań ıelerinen Marat Shahmetov 36-mınýtta penaltıden qysqartsa, 43-mınýtta Jaqyp Qojamberdi tarazy basyn teńestirdi. Al, 69-mınýtta «Aqsý» fýtbolshysy Tonı Sılva komandasyn alǵa shyǵarsa, 82-mınýtta tarazdyq Abylaıhan Jumabek kózdegen nysanadan múlt ketken joq. Pavlodarlyq Damır Marat 96-mınýtta gol soǵyp, «Aqsýǵa» jeńis alyp keldi. Nátıjesinde «Aqsý» qarsylasynan 4:3 esebimen basym tústi.
Eske salsaq, buǵan deıin óz alańynda Oraldyń «Aqjaıyǵy» Qaraǵandynyń «Shahterine» 1:2 esebimen jol berdi.
Aıta ketsek, búgin 20:00-de «Tobyl» (Qostanaı oblysy) men «Atyraý», «Maqtaral» (Túrkistan oblysy) men «Aqtóbe» komandalary kezdesedi.
Al, 11 qyrkúıekte 16:00-de «Qyzyljar» (Petropavl) men «Ordabasy» (Shymkent) oıyny bastalsa, 20:00-de «Turan» (Túrkistan oblysy) men «Qaırat» (Almaty) jasyl alańǵa shyǵady.
