Fýtboldan el birinshiliginde «Aqtóbe» teń túsip, «Tobyl» jeńildi
NUR-SULTAN. QazAqparat – Fýtboldan Premer-lıga komandalary arasyndaǵy el birinshiligi 19-týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Qostanaıdyń «Tobyly» óz alańynda «Atyraý» komandasyn qabyldady. Týrnır kestesinde eki komanda aldyńǵy orynnan kórinýge tyrysyp keledi.
Byltyr chempıondyqqa ataqqa ıe bolǵan qostanaılyq klýb bıyl da júldegerler qatarynan kórinýge kúsh salyp otyr. «Atyraý» da aldyńǵy orynnan kórinýdi maqsat tutady.
Oıyn barysynda alań ıeleri sylbyr qımylymen kózge tústi. Nátıjesinde atyraýlyq komandadan Demır Imerı 39, 75-mınýttarda mergendik tanytty.
Osylaısha «Tobyl» óz alańynda qarsylasyna 0:2 esebimen jeńildi.
Al kósh basynda kele jatqan «Aqtóbe» Túrkistanda «Maqtaralmen» sheberlik baıqasty. Oıynnyń 24-mınýtynda aqtóbelik klýbtan Rýslan Kambolov esep ashsa, oǵan «Maqtaral» sapynan Bıllal Sebaıhı bir golmen jaýap qaıyrdy.
Atalǵan kezdesý 1:1 esebimen teń aıaqtaldy.
Eske salsaq, buǵan deıin óz alańynda Oraldyń «Aqjaıyǵy» Qaraǵandynyń «Shahterine» 1:2 esebimen jol berdi.
Sondaı-aq, syrt alańda elordalyq «Astana» syrt alańda «Kaspııdi», pavlodarlyq «Aqsý» «Taraz» komandasyn súrindirdi.
Endi 11 qyrkúıekte 16:00-de «Qyzyljar» (Petropavl) men «Ordabasy» (Shymkent) oıyny bastalsa, 20:00-de «Turan» (Túrkistan oblysy) men «Qaırat» (Almaty) jasyl alańǵa shyǵady.
