Fýtboldan el birinshiliginde Aqtóbe kósh basyna shyqty

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 13-týry máresine jetti, dep habarlaıdy QazAqparat tilshisi.

Atalǵan týrdyń ekinshi oıyn kúninde elordalyq «Astana» óz alańynda Petropavldyń «Qyzyljaryn» 1:0 esebimen súrindirdi.

Al qostanaılyq «Tobyl» komandasy «Tarazben» 2:2 esebimen teń tústi.

Bul týrdaǵy negizgi kezdesý «Aqtóbe» jáne «Ordabasy» (Shymkent) komandalary arasynda ótti.

Oıyn barysynda «Aqtóbe» sapynan Shına 1-mınýtta esep ashqan edi. Oǵan 11-mınýtta Elhan Astanov bir golmen jaýap qaıyrdy.

Kezdesýdiń 27-mınýtynda Shına «Aqtóbeni» taǵy alǵa shyǵarsa, Vıdemont Ýgo 90-mınýtta esepti ústemeleı tústi.

Osylaısha «Aqtóbe» qarsylasyn 3:1 esebimen basym tústi. Nátıjesinde týrnır kestesinde birinshi orynǵa kóterildi.

Aıta ketsek, atalǵan týrdyń birinshi oıyn kúninde Oraldyń «Aqjaıyǵy» óz alańynda Aqtaýdyń «Kaspıı», «Maqtaral» (Túrkistan oblysy) «Turan» (Túrkistan) klbýyn 2:0 esebimen tize búktirdi .

Taǵy bir oıynda «Shahter» (Qaraǵandy) men «Atyraý» 0:0 esebine qanaǵat bildirdi.

Endi aldaǵy týr oıyndary 26 jáne 27 amyz kúnderi ótkiziledi.