Fýtboldan el birinshiliginde «Aqtóbe» qarsylasyn oısyrata jeńdi
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 22-týrynyń alǵashqy oıyn kúni ótti, dep habarlaıdy QazAqparat tilshisi.
Búgin, 8 qazandaǵy alǵashqy kezdesý «Aqtóbe» men «Kaspıı» (Aqtaý) komandalary arasynda boldy. Bıyl chempıondyqtan basty úmitker sanalatyn aqtóbelik komandasy qarsylasyn 4:0 esebimen oısyrata jeńdi.
Oıyn barysynda olardyń qatarynan Álibek Qasym 20-mınýtta penaltıden esep ashsa, Maksım Samorodov 43, 53-mınýttarda qos goldyń avtory atandy. Kezdesý núktesin 67- mınýtta Baýyrjan Baıtana qoıdy.
Nátıjesinde aqtóbelik komanda týrnır kestesindegi jaǵdaıyn jaqsartty. Chempıon atanýǵa múmkindigin arttyra tústi.
Taǵy bir kezdesýde úzdik úshtikte kele jatqan Qostanaıdyń «Tobyly» syrt alańda Pavlodar oblysynyń «Aqsýynan» 0:3 esebimen oısyraı jeńildi. Kezdesýde alań ıeleri qatarynan Rýslan Esimov 2-mınýtta esep ashsa, Tonı Sılva 7-mınýtta esepti ústemeleı tústi. Pavlodarlyq klýbtan Lazar Zlıchıch 36-mınýtta qorytyndy esepti belgiledi.
Atalǵan týrdaǵy qalǵan oıyndar 9 qazan kúni jalǵasady. Bul kúni «Shahter» (Qaraǵandy) men «Turan» (Túrkistan), «Atyraý» men «Qaırat» (Almaty), «Taraz» ben «Qyzyljar» (Petropavl), «Astana» men «Ordabasy» (Shymkent), «Maqtaaral» men «Aqjaıyq» (Oral) komandalary oınaıdy.
Eske salsaq, budan buryn keıinge qaldyrylǵan oıynda «Aqjaıyq» pen «Turan» teń tústi.
