Fýtboldan el birinshiligi: «Qyzyljar» «Ertisten» basym tústi
ASTANA. QazAqparat - Búgin, 5 tamyzda fýtboldan Premer-lıga komandalary arasyndaǵy el birinshiliginiń 21-týr oıyndary ótkizilip jatyr. Petropavlda «Qyzyljar» Pavlodardyń «Ertis» komandasynan 1:0 esebimen basym tústi, dep habarlaıdy QazAqparat tilshisi.
«Qyzyljar» 20-týrǵa deıin eń sońǵy orynda turǵan edi. Atalmysh jeńisten keıin olar jaǵdaıyn birshama jaqsartyp aldy. Qazir olar týrnır kestesinde toǵyzynshy orynǵa kóterildi. Kezdesý taǵdyryn sheshken dopty Tımýr Mýldınov 37-mınýtta soqty.
Keshe bul týrdaǵy úsh oıyn ótkizildi. Óz alańynda Taldyqorǵannyń «Jetisýy» Oraldyń «Aqjaıyǵymen», Aqtóbede jergilikti «Aqtóbe» elordalyq «Astanamen» 1:1 esebimen teń tússe, Atyraýda jergilikti «Atyraý» Qyzylordanyń «Qaısaryn» 2:1 eesbimen tize búktirdi. Sondaı-aq, búgin osy týrdaǵy eki oıyn ótkiziledi. Qaraǵandyda «Shahter» men «Qaırat», Qostanaıda «Tobyl» men «Ordabasy» kezdesedi.
