Fýtboldan el birinshiligi: Eki oıynda alań ıeleri basym tústi
ASTANA. QazAqparat - Búgin, elimizdiń úsh qalasynda fýtboldan Qazaqstan birinshiliginiń 20-týr oıyndary ótkizilýde. Qazirge deıin Astana men Qyzylorda qalalarynda bolǵan oıyndar aıaqtaldy, dep habarlaıdy QazAqparat tilshisi.
Bul týrdaǵy alǵashqy oıyn Qyzylorda qalasynda boldy. Jergilikti «Qaısar» Petropavldyń «Qyzyljar» komandasymen sheberlik baıqasty. Alań ıeleri bıyl óz alańynda sátsiz oıyn kórsetip keledi. Olar sońǵy ret ústimizdegi jyldyń 9 mamyrynda Qaraǵandynyń «Shahterin» 3:0 esebimen jeńgen bolatyn. Sondaı-aq, bıyl Premer-lıgaǵa qaıta oralǵan «Qyzyljar» 2008 jyly 28 sáýirde «Qaısardy» 1:0 esebimen jeńip ketken edi. Sodan beri petropavldyqtar birinshi lıgada oınady.
ıAǵnı, qos komanda 10 jyldan keıin bıyl úzdikter qatarynda qaıta jolyqty. Alǵashqy aınalymdaǵy kezdesýde Petropavlda eki klýb 0:0 esebimen teń túsken edi. Búgingi oıynnyń birinshi kezeńinde «Qaısar» sapynan Mark Gýrman men Matıas Kýror eki gol soqsa, toqsan mınýt túgesiler tusta «Qyzyljar» oıynshysy Mıroslav Lechıch áýelep kelgen dopty qaqpaǵa baspen baǵyttady. Esep 2:1. «Qaısar» óz alańynda bıyl osylaısha nebári ekinshi jeńisine qol jetkizdi. Jalpy, bul - «Qaısardyń» el birinshiligindegi besinshi jeńisi.
Elordada jergilikti «Astana» «Atyraý» komandasyn qabyldady. Bul týrnır kestesindegi birinshi jáne sońǵy orynda kele jatqan fýtbol klýbtary arasyndaǵy oıyn ekeni belgili. Qazir «Astana» Chempıondar lıgasy irikteý kezeńine qatysyp jatqanyna qaramastan el birinshiliginde de senimdi oıyn kórsetip keledi. «Atyraýmen» kezdesýde de sol qarqynynan taımady. Astanalyq komanda ıÝrıı Logvıenko men Sergeı Malyı soqqan qos goldyń nátıjesinde 2:0 esebimen jeńiske jetti.
Aıta ketelik, «Atyraý» sońǵy ret elordada «Astanadan» osydan bes jyl buryn basym túsken edi. «Astana» endi Chempıondar lıgasy ekinshi irikteý kezeńindegi Danııanyń «Mıdtıýlland» komandasymen oıynǵa daıyndalady.
Kezdesý 1 tamyz kúni ótedi.
Dál qazir Oralda «Aqjaıyq» pen «Aqtóbe» oınap jatyr. Bul kezdesý Astana ýaqytymen 20.00-de bastaldy. Erteń, 29 shildede atalmysh týrdaǵy 3 kezdesý ótedi. Almatyda «Qaırat» pen «Tobyl», Pavlodarda «Ertis» pen «Shahter» jáne Shymkentte «Ordabasy» men «Jetisý» komandalary jasyl alańǵa shyǵady.
