Fýtboldan el birinshiligi 5 naýryzda bastalady
NUR-SULTAN. QazAqparat - Fýtboldan Premer-lıga komandalary arasyndaǵy bıylǵy el birinshiliginiń qashan bastalatyny belgili boldy, dep habarlaıdy QazAqparat tilshisi.
Bul jóninde Qazaqstan kásipqoı fýtbol lıgasy málim etti.
Bıyl el birinshiligi 5 naýryzda jalaýyn kóteredi. Ol 6 naýryzda máresine jetedi.
Alǵashqy týrda 5 naýryzda «Kaspıı» (Aqtaý) men «Qyzyljar», «Turan» (Túrkistan) men «Taraz», «Atyraý» men «Aqsý» (Pavlodar oblysy), «Astana» (Nur-Sultan) men «Shahter» (Qaraǵandy), «Ordabasy» (Shymkent) men «Maqtaaral» (Túrkistan oblysy) komandalary kezdesedi.
Eske salsaq, fýtboldan Qazaqstan sýperkýbogy 2 naýryzda elordada «Astana Arena» stadıonynda ótkiziledi.
Sýperkýbokty qostanaılyq «Tobyl» men kýbok ıegeri almatylyq «Qaırat» sarapqa salady.
