Fýtboldan el birinshiginde alǵashqy tirkeý transferlik kezeńi aıaqtaldy
NUR-SULTAN. QazAqparat - Fýtboldan el birinshiginde alǵashqy tirkeý transferlik kezeńi aıaqtaldy, dep habarlaıdy QazAqparat tilshisi.
Qazaqstannyń kásibı fýtbol lıgasy 2022 jylǵy maýsymynyń alǵashqy tirkeý transferlik kezeńiniń aıaqtalǵanyn habarlady.
Atalǵan kezeńniń sońǵy kúninde FIFA TMS júıesinde birneshe transfer tirkelgen. Ol jaqyn arada aıaqtalyp, lıganyń resmı saıtynda jarııalanady.
Aıta ketsek, el birinshiligi bıyl 5 naýryz kúni bastaldy. Qazir Premer-lıga, birinshi jáne ekinshi lıga komandalary jarystar ótkizilýde.
«FIFA erejesi boıynsha oıynshy mártebesi men aýysymy jaıly talaptaryna sáıkes, árbir qaýymdastyq bir sport maýsymy ishinde eki birdeı transferlik tirkeý kezeńin belgileıdi. Alǵashqy kezeń ereje boıynsha 12 aptadan aspaýy qajet. Tórt aptaǵa sozylatyn ekinshi tirkeý kezeńiniń ýaqyty keıinirek anyqtalady. Atalǵan kezeńder kásibı fýtbolshylardyń kásipqoı jarystarǵa qatysýy úshin tirkeýge arnalǵan», - dep jazylǵan Qazaqstan fýtbol federatsııasy taratqan habarlamada.
Eske salsaq, Premer-lıga komandalary arasyndaǵy el birinshiliginiń jetinshi týry ótkizildi.
