Fýtboldan Ekinshi lıgada qansha komanda baq synaıdy

ASTANA. KAZINFORM - Fýtboldan Ekinshi lıgada synǵa túsetin komandalar sany belgili boldy.

Bul jóninde Qazaqstan Kásipqoı fýtbol lıgasy málim etti.

Bıyl ekinshi lıgada barlyǵy 20 komanda baq synaıdy. Olar Ońtústik-Batys, Soltústik-Shyǵys konferentsııasy boıynsha sheberlik baıqasady.

Ońtústik-Batys konfrentsııasynda «Talas» (Jambyl oblysy), «Ordabasy-J» (Shymkent), «Qaısar-J» (Qyzylorda), «Taraz-J», «Atyraý-J», «Hromtaý» (Aqtóbe oblysy), «Turan-J» (Túrkistan), «Jas Qyran» (Almaty), «Qarshyǵa» (Almaty oblysy), «Han táńiri-J» (Almaty) komandalary synǵa túsedi.

Al Soltústik-Shyǵys konferentsııasynda «Shahter-J» (Qaraǵandy), «Jetisý-J» (Taldyqorǵan), «Ertis-J» (Pavlodar), «Oqjetpes-J» (Kókshetaý), «Jeńis-J» (Astana), «Qyzyljar-J» (Petropavl), «Altaı-J» (Óskemen), «SD Family» (Astana), «Ulytaý-J» (Jezqazǵan), «Ańsat» (Pavlodar) klýbtary oınaıdy.

Alǵashqy týr oıyndary 1-2 sáýir kúnderi ótkiziledi.

Eske salsaq, bıyl fýtboldan Birinshi lıga komandalary arasyndaǵy Qazaqstan chempıonaty 2 sáýirde bastalyp, 22 qazanda máresine jetedi