Fýtboldan eki jylǵa shettetilgen Baýyrjan Islamhannyń jazasynyń merzimi aıaqtaldy

ASTANA. QazAqparat - Qazaqstan quramasynyń burynǵy kapıtany Baýyrjan Islamhannyń fýtboldan eki jylǵa shettetý jazasynyń merzimi aıaqtaldy, dep habarlaıdy QazAqparat tilshisi Sports.kz saıtyna silteme jasap.

El quramasynyń 29 jastaǵy jartylaı qorǵaýshysy búginnen bastap kásipqoı komandada jattyǵý jumystaryn bastaýyna múmkindik alyp otyr. Al jeltoqsan aıynan bastap kásipqoı kelisimshartqa qol qoıýyna bolady.

Eske salsaq, Baýyrjan Islamhan 2020 jyldyń qyrkúıek aıynda Birikken Arab Ámirliginiń «Al-Aın» komandasy quramynda Azııa Chempıondar lıgasyndaǵy kezekti oıynynan keıin tapsyrǵan dopıng-synamasy oń nátıje kórsetken. Odan tyıym salynǵan metılgeksanamın tabylyp, eki jylǵa úlken fýtboldan shettetildi.

Baýyrjan Islamhan 1993 jyly 23 aqpanda Taraz qalasynda dúnıege kelgen. 2011 jyldan beri qazaqstandyq «Taraz», «Astana», «Qaırat», Reseıdiń «Kýban», Birikken Arab Ámirliginiń «Al-Aın» klýbtary jáne el quramasynda 311 oıyn ótkizip, 74 goldyń avtory atandy. El quramasynda 46 oıynda 3 gol soqty.

Aıta keteıik, búgin fýtzaldan álem chempıonaty aıasynda Qazaqstan quramasy Chernogorııamen kezdesedi.

Foto: kazfootball.kz