Fýtboldan ChL: Lıonel Messı «Barselona» sapynda 700 oıynyn ótkizdi
NUR-SULTAN. QazAqparat - Búgin fýtboldan UEFA Chempıondar lıgasy toptyq satysyndaǵy besinshi týr oıyndary máresine jetti, dep habarlaıdy QazAqparat tilshisi.
F tobynda synǵa túsip jatqan Ispanııanyń «Barselona» klýby alǵashqy tórt týrda jarystyń kelesi satysyna beriletin joldamany ala alǵan joq. Eki oıynda jeńiske jetip, eki oıynda teń nátıjeni qanaǵat tutty. Sondyqtan búgingi kezdesýde jeńiske jetý jolyn izdeıtini belgili edi.
Oıyn barysy dál solaı órbidi. Germanııanyń «Borýssııa» (Dortmýnd) komandasy qaqpasyna birinshi kezeńniń 29 jáne 33-mınýttarynda Lýıs Sýares pen Lıonel Messı qos gol soǵyp ketti. Al 67-mınýtta «Barselona» shabýylshysy Antýan Grızmann esepti ulǵaıtty. «Borýssııa» oıynshysy Djeıdon Sancho 77-mınýtta mergendigimen kózge tústi. Kezdesýde «Barselona» 3:1 esebimen jeńiske jetti.
Aıta keterligi, belgili fýtbolshy Lıonel Messı búgin «Barselona» sapyndaǵy 700 oıynyn ótkizdi. «Barselona» jarystyń kelesi satysyna joldama aldy. Bul topta Italııanyń «Interi» Chehııanyń «Slavııasyn» syrt alańda 3:1 esebimen tize búktirdi.
E tobyndaǵy Anglııanyń «Lıverpýl» komandasy da bıyl atalmysh dodanyń alǵashqy tórt týrynda úsh márte jeńiske jetti. Dese de bul jarystyń kelesi satysyna beriletin joldama taǵdyryn sheshe almaǵan bolatyn. Toptaǵy basty qarsylasy - Italııanyń «Napolı» komandasymen kezdesken aǵylshyndyq klýb birinshi kezeńde óz qaqpasyna gol jiberip aldy. Oıynnyń 21-mınýtynda «Napolı» fýtbolshysy Drıs Mertens «Lıverpýl» qaqpashysyn qapy qaldyryp ketti. Al 65-mınýtta aǵylshyndyq klýb oıynshysy Deıan Lovren tarazy basyn teńestirdi. Oıyn 1:1 esebimen teń aıaqtaldy. Atalmysh topta Aýstrııanyń «Zaltsbýrgi» syrt alańda Belgııanyń «Genk» komandasyn 4:1 esebimen jeńdi.
Búgin G tobynda Reseıdiń «Zenıti» óz alańynda Frantsııanyń «Lıonyn» 2:0 esebimen tize búktirse, Germanııanyń «Leıptsıgi» men Portýgalııanyń «Benfıkasy» 2:2 esebimen teń tústi.
H tobynda búgin Ispanııanyń «Valensııa» jáne Anglııanyń «Chelsı» komandalary arasyndaǵy kezdesýde 2:2 esebi tirkelse, Gollandııanyń «Aıaksi» Frantsııanyń «Lıll» klýbynan 2:0 esebimen basym tústi.
Keshe UEFA Chempıondar lıgasyndaǵy alǵashqy tórt toptaǵy oıyndar ótkizilgen bolatyn.
