Fýtboldan Chempıondar lıgasynyń fınaly keıinge shegerildi
NUR-SULTAN. QazAqparat - UEFA Evropada COVID-19 dertiniń órshýine baılanysty mamyr aıyna josparlanǵan birqatar eýrokýbok oıyndarynyń fınalyn keıinge shegerýge sheshim qabyldady, dep habarlaıdy QazAqparat tilshisi UEFA saıtyna silteme jasap.
Olardyń qatarynda áıelder arasyndaǵy Chempıondar lıgasy, erler arasyndaǵy Chempıondar lıgasy men Eýropa lıgasy oıyndarynyń fınaly bar. Fınaldyń ótkiziletin ýaqyty ázirge belgisiz. Negizinde Chempıondar lıgasynyń aqtyq básekesi 30 mamyrǵa josparlansa, Eýropa lıgasynyń fınaly 27 mamyrda ótýi tıis bolatyn.
Búgingi tańda Chempıondar lıgasy men Eýropa lıgasynyń 1/8 fınaldyq oıyndary aıaqtalǵan joq. Áıelder arasyndaǵy oıyndar barysy da áli jalǵasýy tıis.
Budan buryn fýtboldan Qazaqstan quramasynyń joldastyq kezdesý oıyndary ótkizilmeıtinin habarlaǵan edik.
